zauq-matla-001.jpg
    ہے پاک رُتبہ فکر سے اُس بے نیاز کا
    کچھ دخل عقل کا ہے نہ کام اِمتیاز کا

zauq-matla-002.jpg
    فکر اَسفل ہے مری مرتبہ اعلیٰ تیرا
    وصف کیا خاک لکھے خاک کا پُتلا تیرا

zauq-matla-003.jpg
    جن و اِنسان و ملک کو ہے بھروسا تیرا
    سرورا مرجعِ کل ہے درِ والا تیرا

zauq-matla-004.jpg
    خواجۂ ہند وہ دربار ہے اعلیٰ تیرا
    کبھی محروم نہیں مانگنے والا تیرا

zauq-matla-005.jpg
    آسماں گر ترے تلووں کا نظارہ کرتا
    روز اک چاند تصدق میں اُتارا کرتا

zauq-matla-006.jpg
    عاصیوں کو دَر تمہارا مل گیا
    بے ٹھکانوں کو ٹھکانا مل گیا

zauq-matla-007.jpg
    دل مِرا دنیا پہ شیدا ہو گیا
    اے مِرے اﷲ یہ کیا ہو گیا

zauq-matla-008.jpg
    کہوں کیا حال زاہد، گلشن طیبہ کی نزہت کا
    کہ ہے خلد بریں چھوٹا سا ٹکڑا میری جنت کا

zauq-matla-009.jpg
    تصور لطف دیتا ہے دہانِ پاک سرور کا
    بھرا آتا ہے پانی میرے منہ میں حوضِ کوثر کا

zauq-matla-010.jpg
    مجرمِ ہیبت زدہ جب فردِ عصیاں لے چلا
    لطفِ شہ تسکین دیتا پیش یزداں لے چلا

zauq-matla-011.jpg
    قبلہ کا بھی کعبہ رُخِ نیکو نظر آیا
    کعبہ کا بھی قبلہ خمِ اَبرو نظر آیا

zauq-matla-012.jpg
    ایسا تجھے خالق نے طرح دار بنایا
    یوسف کو ترا طالبِ دیدار بنایا

zauq-matla-013.jpg
    تمہارا نام مصیبت میں جب لیا ہو گا
    ہمارا بگڑا ہوا کام بن گیا ہو گا

zauq-matla-014.jpg
    یہ اکرام ہے مصطفیٰ پر خدا کا
    کہ سب کچھ خدا کا ہوا مصطفیٰ کا

zauq-matla-015.jpg
    سر صبحِ سعادت نے گریباں سے نکالا
    ظلمت کو ملا عالمِ اِمکاں سے نکالا

zauq-matla-016.jpg
    اگر قسِمت سے میں اُن کی گلی میں خاک ہو جاتا
    غمِ کونین کا سارا بکھیڑا پاک ہو جاتا

zauq-matla-017.jpg
    دشمن ہے گلے کا ہار آقا
    لُٹتی ہے مری بہار آقا

zauq-matla-018.jpg
    واہ کیا مرتبہ ہوا تیرا
    تو خدا کا خدا ہوا تیرا

zauq-matla-019.jpg
    معطیِ مطلب تمہارا ہر اِشارہ ہو گیا
    جب اِشارہ ہو گیا مطلب ہمارا ہو گیا

zauq-matla-020.jpg
    بیاں ہو کس زباں سے مرتبہ صدیق اکبر کا
    ہے یارِ غار محبوبِ خدا صدیق اکبر کا

zauq-matla-021.jpg
    نہیں خوش بخت محتاجانِ عالم میں کوئی ہم سا
    ملا تقدیر سے حاجت روا فاروقِ اعظم سا

zauq-matla-022.jpg
    اﷲ سے کیا پیار ہے عثمانِ غنی کا
    محبوبِ خدا یار ہے عثمانِ غنی کا

zauq-matla-023.jpg
    اے حبِّ وطن ساتھ نہ یوں سوئے نجف جا
    ہم اور طرف جاتے ہیں تو اور طرف جا

zauq-matla-024.jpg
    دردِ دل کر مجھے عطا یا رب
    دے مرے درد کی دوا یا رب

zauq-matla-025.jpg
    سر سے پا تک ہر اَدا ہے لاجواب
    خوبرویوں میں نہیں تیرا جواب

zauq-matla-026.jpg
    جانبِ مغرب وہ چمکا آفتاب
    بھیک کو مشرق سے نکلا آفتاب

zauq-matla-027.jpg
    پُر نور ہے زمانہ صبح شبِ ولادت
    پرَدہ اُٹھا ہے کس کا صبح شبِ ولادت

zauq-matla-028.jpg
    باغ جنت کے ہیں بہرِ مدح خوانِ اہلِ بیت
    تم کو مژدہ نار کا اے دشمنانِ اہلِ بیت

zauq-matla-029.jpg
    جاں بلب ہوں آ مری جاں الغیاث
    ہوتے ہیں کچھ اور ساماں الغیاث

zauq-matla-030.jpg
    پڑے مجھ پر نہ کچھ اُفتاد یا غوث
    مدد پر ہو تیری اِمداد یا غوث

zauq-matla-031.jpg
    کیا مژدۂ جاں بخش سنائے گا قلم آج
    کاغذ پہ جو سو ناز سے رکھتا ہے قدم آج

zauq-matla-032.jpg
    دشتِ مدینہ کی ہے عجب پُر بہار صبح
    ہر ذرّہ کی چمک سے عیاں ہیں ہزار صبح

zauq-matla-033.jpg
    جو نور بار ہوا آفتابِ حسنِ ملیح
    ہوئے زمین و زماں کامیابِ حُسنِ ملیح

zauq-matla-034.jpg
    سحابِ رحمتِ باری ہے بارھویں تاریخ
    کرم کا چشمۂ جاری ہے بارھویں تاریخ

zauq-matla-035.jpg
    ذاتِ والا پہ بار بار درود
    بار بار اور بے شمار درود

zauq-matla-036.jpg
    رنگ چمن پسند نہ پھولوں کی بُو پسند
    صحرائے طیبہ ہے دلِ بلبل کو تُو پسند

zauq-matla-037.jpg
    ہو اگر مدحِ کفِ پا سے منور کاغذ
    عارضِ حور کی زینت ہو سراسر کاغذ

zauq-matla-038.jpg
    اگر چمکا مقدر خاک پائے رہرواں ہو کر
    چلیں گے بیٹھتے اُٹھتے غبارِ کارواں ہو کر

zauq-matla-039.jpg
    مرحبا عزت و کمالِ حضور
    ہے جلالِ خدا جلالِ حضور

zauq-matla-040.jpg
    سیر گلشن کون دیکھے دشتِ طیبہ چھوڑ کر
    سوئے جنت کون جائے در تمہارا چھوڑ کر

zauq-matla-041.jpg
    جتنا مرے خدا کو ہے میرا نبی عزیز
    کونین میں کسی کو نہ ہو گا کوئی عزیز

zauq-matla-042.jpg
    ہوں جو یادِ رُخِ پُر نور میں مرغانِ قفس
    چمک اُٹھے چہِ یوسف کی طرح شانِ قفس

zauq-matla-043.jpg
    جنابِ مصطفیٰ ہوں جس سے نا خوش
    نہیں ممکن ہو کہ اُس سے خدا خوش

zauq-matla-044.jpg
    خدا کی خلق میں سب انبیا خاص
    گروہِ انبیا میں مصطفیٰ خاص

zauq-matla-045.jpg
    سن لو خدا کے واسطے اپنے گدا کی عرض
    یہ عرض ہے حضور بڑے بے نوا کی عرض

zauq-matla-046.jpg
    چشمِ دل چاہے جو اَنوار سے ربط
    رکھے خاکِ درِ دلدار سے ربط

zauq-matla-047.jpg
    خاکِ طیبہ کی اگر دل میں ہو وقعت محفوظ
    عیبِ کوری سے رہے چشمِ بصیرت محفوظ

zauq-matla-048.jpg
    مدینہ میں ہے وہ سامانِ بارگاہِ رفیع
    عروج و اَوج ہیں قربانِ بارگاہِ رفیع

zauq-matla-049.jpg
    خوشبوئے دشتِ طیبہ سے بس جائے گر دماغ
    مہکائے بوئے خلد مرا سر بسر دماغ

zauq-matla-050.jpg
    کچھ غم نہیں اگرچہ زمانہ ہو بر خلاف
    اُن کی مدد رہے تو کرے کیا اَثر خلاف

zauq-matla-051.jpg
    رحمت نہ کس طرح ہو گنہگار کی طرف
    رحمن خود ہے میرے طرفدار کی طرف

zauq-matla-052.jpg
    ترا ظہور ہوا چشمِ نور کی رونق
    ترا ہی نور ہے بزمِ ظہور کی رونق

zauq-matla-053.jpg
    جو ہو سر کو رَسائی اُن کے دَر تک
    تو پہنچے تاجِ عزت اپنے سر تک

zauq-matla-054.jpg
    اے دینِ حق کے رہبر تم پر سلام ہر دم
    میرے شفیعِ محشر تم پر سلام ہر دم

zauq-matla-055.jpg
    اے مدینہ کے تاجدار سلام
    اے غریبوں کے غمگسار سلام

zauq-matla-056.jpg
    ترے دَر پہ ساجد ہیں شاہانِ عالم
    تو سلطانِ عالم ہے اے جانِ عالم

zauq-matla-057.jpg
    جاتے ہیں سوئے مدینہ گھر سے ہم
    باز آئے ہندِ بد اختر سے ہم

zauq-matla-058.jpg
    اﷲ برائے غوثِ اعظم
    دے مجھ کو وِلائے غوثِ اعظم

zauq-matla-059.jpg
    اسیروں کے مشکل کشا غوث اعظم
    فقیروں کے حاجت رَوا غوث اعظم

zauq-matla-060.jpg
    کون کہتا ہے کہ زینت خلد کی اچھی نہیں
    لیکن اے دل فرقتِ کوئے نبی اچھی نہیں

zauq-matla-061.jpg
    نگاہِ لطف کے اُمیدوار ہم بھی ہیں
    لیے ہوئے یہ دلِ بے قرار ہم بھی ہیں

zauq-matla-062.jpg
    کیا کریں محفل دلدار کو کیوں کر دیکھیں
    اپنے سرکار کے دربار کو کیوں کر دیکھیں

zauq-matla-063.jpg
    نہ کیوں آرائشیں کرتا خدا دُنیا کے ساماں میں
    تمھیں دُولھا بنا کر بھیجنا تھا بزمِ امکاں میں

zauq-matla-064.jpg
    عجب کرم شہ والا تبار کرتے ہیں
    کہ نا اُمیدوں کو اُمیدوار کرتے ہیں

zauq-matla-065.jpg
    سن لو میری اِلتجا اچھے میاں
    میں تصدق میں فدا اَچھے میاں

zauq-matla-066.jpg
    دل میں ہو یاد تری گوشۂ تنہائی ہو
    پھر تو خلوت میں عجب انجمن آرائی ہو

zauq-matla-067.jpg
    اے راحتِ جاں جو ترے قدموں سے لگا ہو
    کیوں خاک بسر صورتِ نقشِ کفِ پَا ہو

zauq-matla-068.jpg
    تم ذاتِ خدا سے نہ جدا ہو نہ خدا ہو
    اﷲ کو معلوم ہے کیا جانیے کیا ہو

zauq-matla-069.jpg
    دل درد سے بسمل کی طرح لوٹ رہا ہو
    سینے پہ تسلی کو ترا ہاتھ دھرا ہو

zauq-matla-070.jpg
    عجب رنگ پر ہے بہارِ مدینہ
    کہ سب جنتیں ہے نثارِ مدینہ

zauq-matla-071.jpg
    نہ ہو آرام جس بیمار کو سارے زمانے سے
    اُٹھا لے جائے تھوڑی خاک اُن کے آستانے سے

zauq-matla-072.jpg
    مبارک ہو وہ شہ پردہ سے باہر آنے والا ہے
    گدائی کو زمانہ جس کے دَر پر آنے والا ہے

zauq-matla-073.jpg
    جائے گی ہنستی ہوئی خلد میں اُمت اُن کی
    کب گوارا ہوئی اﷲ کو رِقّت اُن کی

zauq-matla-074.jpg
    ہم نے تقصیر کی عادت کر لی
    آپ اپنے پہ قیامت کر لی

zauq-matla-075.jpg
    کیا خداداد آپ کی اِمداد ہے
    اک نظر میں شاد ہر ناشاد ہے

zauq-matla-076.jpg
    آپ کے دَر کی عجب توقیر ہے
    جو یہاں کی خاک ہے اِکسیر ہے

zauq-matla-077.jpg
    نہ مایوس ہو میرے دُکھ درد والے
    درِ شہ پہ آ ہر مرض کی دوا لے

zauq-matla-078.jpg
    نہیں وہ صدمہ یہ دل کو کس کا خیالِ رحمت تھپک رہا ہے
    کہ آج رُک رُک کے خونِ دل کچھ مری مژہ سے ٹپک رہا ہے

zauq-matla-079.jpg
    مرادیں مل رہی ہیں شاد شاد اُن کا سوالی ہے
    لبوں پر اِلتجا ہے ہاتھ میں روضے کی جالی ہے

zauq-matla-080.jpg
    کرے چارہ سازی زیارت کسی کی
    بھرے زخم دل کے ملاحت کسی کی

zauq-matla-081.jpg
    جان سے تنگ ہیں قیدی غمِ تنہائی کے
    صدقے جاؤں میں تری انجمن آرائی کے

zauq-matla-082.jpg
    پردے جس وقت اُٹھیں جلوۂ زیبائی کے
    وہ نگہبان رہیں چشمِ تمنائی کے

zauq-matla-083.jpg
    دمِ اضطراب مجھ کو جو خیالِ یار آئے
    مرے دل میں چین آئے تو اسے قرار آئے

zauq-matla-084.jpg
    تم ہو حسرت نکالنے والے
    نامرادوں کے پالنے والے

zauq-matla-085.jpg
    اﷲ اﷲ شہِ کونین جلالت تیری
    فرش کیا عرش پہ جاری ہے حکومت تیری

zauq-matla-086.jpg
    باغِ جنت میں نرالی چمن آرائی ہے
    کیا مدینہ پہ فدا ہو کے بہار آئی ہے

zauq-matla-087.jpg
    حضورِ کعبہ حاضر ہیں حرم کی خاک پر سر ہے
    بڑی سرکار میں پہنچے مقدر یاوری پر ہے

zauq-matla-088.jpg
    سحر چمکی جمالِ فصلِ گل آرائشوں پر ہے
    نسیمِ روح پرور سے مشامِ جاں معطر ہے

zauq-matla-089.jpg
    عالم ہمہ صورت ہے، گر جان ہے تو تُو ہے
    سب ذرّے ہیں گر مہر، درخشاں ہے تو تُو ہے

zauq-matla-090.jpg
    بہاروں پر ہیں آج آرائشیں گلزارِ جنت کی
    سواری آنے والی ہے شہیدانِ محبت کی

zauq-matla-091.jpg
    نجدیا سخت ہی گندی ہے طبیعت تیری
    کفر کیا شرک کا فضلہ ہے نجاست تیری

zauq-matla-092.jpg
    ساقی کچھ اپنے بادہ کشوں کی خبر بھی ہے
    ہم بے کسوں کے حال پہ تجھ کو نظر بھی ہے

zauq-matla-093.jpg
    اے کریم بنِ کریم اے رہنما اے مقتدا
    اخترِ برجِ سخاوت گوہرِ درجِ عطا

zauq-matla-094.jpg
    ہوا ہوں دادِ ستم کو میں حاضرِ دربار
    گواہ ہیں دلِ محزون و چشمِ دریا بار

zauq-matla-095.jpg
    السلام اے خسروِ دنیا و دیں
    السلام اے راحتِ جانِ حزیں